વિરમગામના સીંગ, ચણાના ગોડાઉનમાં આગ લાગતા અફડાતફડી મચી

વિરમગામ : વિરમગામ શહેરના ખાડીયા જીન વિસ્તારમાં સીંગ ચણાના ગોડાઉનમાં મોડી રાત્રે કોઈ અગમ્યકારણોસર આગ ભભુકી ઉઠતા અફડાતફડીનો માહોલ સર્જાયો હતો અને આગને લઇને દોડધામ મચી જવા પામી હતી આગને કાબુમાં લેવા નગરપાલીકાના ફાયરબ્રીગેડના કર્મચારીઓએ ભારે જહેમદબાદ આગને કાબુમાં લીધી હતી આગના કારણે સદનસીબે કોઈ જાનહાની થયેલ નહતી

વિરમગામ શહેરના જાણીતા વિશાલસીંગના વહેપારીનું ખાડીયાજીનમાં જવાના રસ્તાના ખૂણા ઉપર સીંગચણાનું ગોડાઉન ત્રણમાળનું આવેલ છે આ ગોડાઉનમાં સીંગદાણા સીંગ દાળીયા સહિતના માલ પેકીગ અને લુઝ રાખવામાં આવેલ છે ત્યારે આજે વહેલી સવારે અંદાજે ૪/૦૦ કલાકે ગોડાઉનના પ્રથમ માળે આગની જ્વાળાઓ નજીકમાં આવેલ કારખાનદારને દેખાતા આ ઘટનાની જાણ માલીવાડ ખાતે રહેતા વિશાલ સીંગ ના માલિક રાજુ લાખાણીને કરતા ઘટના સ્થળે દોડી આવ્યા હતા અને આગ લાગવાની ઘટનાની જાણ વિરમગામ નગરપાલિકાના ફાયર બ્રિગેડના જવાનો કિરણસિંહ, મહેશભાઈ, જશાભાઈ સહિતના ઘટના સ્થળે અગ્નિશામક સાધનો સાથે આવી આગને કાબુમાં લેવા વોટર બાઉઝર, મીની ફાયર ફાયટર દ્વારા પાણીનો મારો ચલાવી આગને કાબુમાં લીધી હતી આ આગના કારણે અંદાજે એક લાખથી વધુ નુકશાન થવાની આશંકા સેવાઇ રહી છે આ આગ પ્રથમ માળેથી લાગી હતી અને નીચે સુધી ફેલાઈ હતી આગના કારણે સીંગચણા દાળીયાની ચીજવસ્તુ બળીને ભસ્મીભૂત થઇ ગઈ હતી આ આગમાં સદનસીબે મશીન સુધી આગ પહોંચી ન હતી આગની ઘટનામાં કોઈ જાનહાની થયેલ નથી.

from Gujarat News - Gujarat Samachar : World's Leading Gujarati Newspaper https://ift.tt/3rNkkWn