દસાડા- શંખેશ્વર રોડ પરથી રૂા. 13.57 લાખના દારૂ ભરેલું ડમ્પર ઝડપાયું

સુરેન્દ્રનગર, પાટડી : સુરેન્દ્રનગર જીલ્લામાં ઈંગ્લીશ દારૂની હેરાફેરી અને કટીંગ વધી રહ્યું છે ત્યારે જીલ્લા પોલીસવડાની સુચનાથી એલસીબી પોલીસે અમદાવાદ-રાજકોટ નેશનલ હાઈવ પર અમદાવાદ-કચ્છ હાઈવ તથા સમીશંખેશ્વર-પાટડી હાઈવે પર ખાસ પેટ્રોલીંગ હાથધર્યું હતું.

બાતમીના આધારે દસાડા પોલીસ સ્ટેશન વિસ્તારમાં પેટ્રોલીંગ દરમ્યાન ગેરકાયદેસર રીતે ડમ્પરમાં ઈંગ્લીશ દારૂનો જથ્થો ભરી દસાડા-શંખેશ્વર રોડ વડગામ ત્રણ રસ્તાથી પાટડી તરફ આવવાનો હોવાની બાતમીના આધારે વોચ ગોઠવી હતી.

જે દરમ્યાન બાતમીવાળું ડમ્પર પસાર થતાં તેને આડસ કરાવી રોકી ડમ્પરની તલાસી લેતાં તેમાંથી ઈંગ્લીશ દારૂની બોટલો નંગ-૩૭૩૨ કિંમત રૂા.૧૩,૫૭,૬૨૦ તથા ડમ્પર કિંમત રૂા.૭,૦૦,૦૦૦, મોબાઈલ ફોન કિંમત રૂા.૫,૦૦૦ મળી કુલ રૂા.૨૦,૬૨,૬૨૦ના મુદ્દામાલ સાથે ડમ્પરચાલક માંગીલલ્લા સુંડારામ બીસ્નોઈ ઉ.વ.૩૩, રહે.રાજસ્થાનવાળાને ઝડપી પાડી દસાડા પોલીસ મથકે ગુન્હો નોંધી કાયદેસરની કાર્યવાહી હાથધરી હતી. આ રેઈડ દરમ્યાન જીલ્લા પોલીસવડા મહેન્દ્ર બગડીયા એલસીબી પીઆઈ ડી.એમ.ઢોલ, પીએસઆઈ વી.આર.જાડેજા  સહિતના સ્ટાફે સફળ કામગીરી હાથધરી હતી.

from Gujarat News - Gujarat Samachar : World's Leading Gujarati Newspaper https://ift.tt/3wVsKi2