Gujarat Board 12th Science Result 2021: ધોરણ 12 સાયન્સનું પરિણામ જાહેર, વિદ્યાર્થીઓ સીધુ પોતાનું પરિણામ જોઈ શકશે નહીં

<p><strong>ગાંધીનગરઃ</strong> ધોરણ 12 સાયંસના વિદ્યાર્થીઓનું બોર્ડનું પરિણામ જાહેર થઈ ગયું છે. કોરોનાને લીધે માસ પ્રમોશન આપવાની જાહેરાત બાદ ધોરણ 12 સાયંસના એક લાખ સાત હજાર નિયમિત વિદ્યાર્થીઓનું પરિણામ જાહેર કરવામાં&nbsp; આવ્યું છે. જાહેર થયેલુ પરિણામ માત્ર સ્કૂલો પોતાના ઈંડેક્સ નંબરના આધારે જોઈ શકશે. જ્યારે વિદ્યાર્થીઓ સીધુ પોતાનું પરિણામ જોઈ શકશે નહી.</p> <p>પરંતુ સ્કૂલો પોતાના વિદ્યાર્થીઓનું પરિણામ ડાઉનલોડ કરીને વિદ્યાર્થીઓને આપી શકશે. વિદ્યાર્થીઓને પરિણામ પહોંચાડવા માટે શિક્ષણ બોર્ડ અલગથી સૂચના આપશે. ધોરણ 12ના તમામ પ્રવાહના નિયમિત વિદ્યાર્થીઓના ગુણાંકન પદ્ધતિ અનુસાર પરિણામ તૈયાર કરવામાં આવશે. પરિણામ આવ્યા બાદ કોઈ વિદ્યાર્થીને પરિણામથી અસંતોષ હોય તો તેવા વિદ્યાર્થી પરિણામ આવ્યાના 15 દિવસમાં પોતાનું પરિણામ ગુજરાત માધ્યમિક અને ઉચ્ચતર માધ્યમિક શિક્ષણ બોર્ડ, ગાંધીનગરની કચેરીમાં જમા કરાવવાનું રહેશે. આવા વિદ્યાર્થીઓ માટેશિક્ષણ બોર્ડ અલગથી પરીક્ષા યોજશે. જે અંગેનો કાર્યક્રમ હવે પછી જાહેર કરાશે.</p> <p><strong>NEET (UG) 2021</strong><strong>ની પરીક્ષાની તારીખ જાહેર</strong></p> <p>NEET (UG) 2021ની પરીક્ષાઓની જાહેરાત કરી દેવામાં આવી છે. નવા શિક્ષણ મંત્રી ધર્મેન્દ્ર પ્રધાને તેની જાહેરાત કરી છે. આગામી 12 સપ્ટેમ્બરે દેશભરમાં NEET (UG) 2021ની પરીક્ષાઓ યોજાશે. કોરોના ગાઈડલાઇનના સંપૂર્ણ પાલન સાથે પરીક્ષાઓ યોજાશે.</p> <div class="article-data _thumbBrk uk-text-break"> <blockquote class="twitter-tweet"> <p dir="ltr" lang="en">The NEET (UG) 2021 will be held on 12th September 2021 across the country following COVID-19 protocols. The application process will begin from 5 pm tomorrow through the NTA website(s): Education Minister Dharmendra Pradhan<br /><br />(file pic) <a href="https://t.co/oXJHZmOgzy">pic.twitter.com/oXJHZmOgzy</a></p> &mdash; ANI (@ANI) <a href="https://twitter.com/ANI/status/1414568361934004229?ref_src=twsrc%5Etfw">July 12, 2021</a></blockquote> <script src="https://platform.twitter.com/widgets.js" async="" charset="utf-8"></script> <p><strong>198 શહેરોમાં આયોજીત થશે નીટ યૂજી પરીક્ષા</strong></p> <p>ધર્મેંદ્ર પ્રધાને જણાવ્યું કે પરીક્ષા દરમિયાન સોશિયલ ડિસ્ટન્સિંગનું પાલન કરવા માટે 198 શહેરોમાં પરીક્ષાનું આયોજન કરવામાં આવશે. વર્ષ 2020માં 155 શહેરોમાં આ પરીક્ષાનું આયોજન કરવામાં આવ્યું હતું. આ વખતે કોરોનાના કારણે પરીક્ષા કેંદ્રોની સંખ્યાને પણ વધારવામાં આવી છે. કોવિડ19ના પ્રોટોકોલનું પાલન કરવા માટે તમામ ઉમેદવારોને પરીક્ષા કેંદ્ર પર માસ્ક આપવામાં આવશે. તેમની એન્ટ્રી અને એક્ઝિટ દરમિયાન કૉન્ટેક્ટલેસ રજિસ્ટ્રેશન, પ્રોપર સેનિટાઈજેશન અને સોશિયલ ડિસ્ટન્સિંગ અનુસાર સીટિંગ પ્લાન બનાવાયો છે.</p> </div>

from gujarat https://ift.tt/3imM55c