મહિલા સભ્યના પતિ અને વીસીઈનો કથિત ઓડિયો વાઈરલ થતા ચકચાર

સુરેન્દ્રનગર : સુરેન્દ્રનગર જીલ્લાના લખતર તાલુકાના ઢાંકી ગ્રામ પંચાયતના મહિલા સદ્દસ્યના પતિ અને ગ્રામ પંચાયતના વીસીઈ વચ્ચે સ્થાનીક સ્વરાજ્યન ચુંટણી અંગેનું મનદુઃખ રાખી વાતચીતની કથીત ઓડીયો ક્લીપ વાયરલ થતાં સમગ્ર પંથકમાં ચકચાર મચી જવા પામી હતી.

આ અંગે વાયરલ કથીત ઓડીયો ક્લીપમાં થઈ રહેલ વાતચીત મુજબ ઢાંકી ગ્રામ પંચાયતના ન્યાય સમિતિના મહિલા ચેરમેનના પતિ પ્રભુભાઈ મકવાણા દ્વારા વીસીઈ સંજયભાઈ સાથે સ્થાનીક સ્વરાજ્યની ચુંટણી બાબતનું મનદુઃખ રાખી ગેરવર્તન તેમજ વીસીઈને ધમકાવતા હોવાનું જણાઈ આવે છે તેમજ પોતે સદ્દસ્ય ન હોવા છતાં દાદાગીરી કરતાં હોવાનું માલુમ પડયું હતું.

 જ્યારે આ ઓડીયો ક્લીપ વાયરલ થતાં અનેક ચર્ચાઓ વહેતી થવાં લાગી હતી.

from Gujarat News - Gujarat Samachar : World's Leading Gujarati Newspaper https://ift.tt/3mn27hk