સાયલા હાઇ-વે પર ગેરેજ પાસે નજીવી બાબતે શખ્સ પર હુમલો

સાયલા : સુરેન્દ્રનગર જીલ્લાના ગ્રામ્ય વિસ્તારોમાં નજીવી બાબતે મારામારી તેમજ જાનથી મારી નાંખવાની ધમકીના બનાવો વધી રહ્યાં છે ત્યારે સાયલા નેશનલ હાઈવે પર એક શખ્સને ક્રેન લઈને નહિં આવવા બાબતે ગાળો આપી ઢીકાપાટુનો માર મારી જાનથી મારી નાંખવાની ધમકી અંગે ચાર શખ્સો સામે ફરિયાદ નોંધાવતાં પોલીસે વધુ તપાસ હાથધરી હતી.

આ અંગે પોલીસ સુત્રો પાસેથી મળતી માહિતી મુજબ ફરીયાદી ભરતભાઈ ગોવાભાઈ મીર રહે.સાયલાવાળાની હાઈવે પર આવેલ ગેરેજ ખાતે ઈમરાનખાન નામનો શખ્સ હાજર હોય તે દરમ્યાન ચાર જેટલા શખ્સો ગભરૂભાઈ ખાભલા, વાઘાભાઈ ખાભલા, દેવરાજભાઈ રબારી, વિજયભાઈ રબારી તમામ રહે.થોરીયાળી અને સુદામડાવાળાઓએ એકસંપ થઈ કારમાં આવી ઈમરાનખાનને ક્રેન લઈને આવવાની ના પાડતાં ગાળો આપી ઢીકા પાટુનો માર તેમજ લોખંડની ટામી વડે પણ હુમલો કરી ગંભીર ઈજાઓ પહોંચાડી જાનથી મારી નાંખવાની ધમકી આપી હતી. જે અંગે સાયલા પોલીસ મથકે ચાર શખ્સો સામે ફરિયાદ નોંધાવતાં પોલીસે વધુ તપાસ હાથધરી હતી.

from Gujarat News - Gujarat Samachar : World's Leading Gujarati Newspaper https://ift.tt/3rCz3Ej