સાસરીયાનો સિતમ : વધુ ચાર પરિણીતા આવી પોલીસનાં શરણે

ખંભાળિયા, તા. 19 ફેબ્રૂઆરી 2021, શુક્રવાર

દેવભૂમિ દ્વારકા જિલ્લામાં ગૃહકંકાશનાં કિસ્સા વધી રહયા છે. સાસરીયાનો સિતમ સહન કરીને થાકેલી વધુ ચાર પરિણીતા પોલીસનાં શરણે આવી છે. કલ્યાણપુરની પરિણીતાને સાસરીયાએ મારકૂટ કરીને કબાટમાં માથું ભટકાડી ઈજા પહોંચાડી હતી તો ખંભાળિયા, રાવલ, મીઠાપુરમાં પણ શ્વસુર પક્ષનાં શારીરિક-માનસિક ત્રાસ મામલે પોલીસ ચોપડે ગુના દાખલ થયા છે.:

પ્રથમ કિસ્સામાં કલ્યાણપુર તાલુકાના ગાંધવી ગામે રહેતી અને અશ્વિનગર જેતગીરી રામદત્તીની ૨૧ વર્ષીય પુત્રી દિવ્યાબેનને રાણાવાવ ખાતે રહેતા સાસુ નીલાબેન કૈલાસગીરી તથા સસરા કૈલાસગીરી છગનગીરી મેઘનાથી, પતિ ભાવિકગીરી કૈલાશગીરી મેઘનાથી દ્વારા કરિયાવર બાબતે અવારનવાર ત્રાસ આવતો હતો. તેણીને બેફામ માર મારી કબાટમાં માથું ભટકાડીને ઈજાઓ પહોંચાડી હતી અને પહેરેલા કપડે ઘરમાંથી કાઢી મૂકતા મહિલા પોલીસે પતિ સહિત ત્રણેય સાસરીયાઓ સામે ગુનો નોંધી જરી કાર્યવાહી હાથ ધરી છે.

બીજા બનાવમાં ખંભાળિયામાં હાલ નવાપરા ખાતે રહેતી અને રવજીભાઈ લખુભાઈ ધોરીયાની ૨૮ વર્ષીય પુત્રી નીતાબેન દાનિશભાઈ ઘેરાને ઉલ્હાસનગર-મુંબઈ ખાતે રહેતા પતિ દાનિશ ઉર્ફે સન્ની, સાસુ ધારાબેન, સસરા અશોકભાઈ જાયરાજભાઈ ઘેરા, જેઠાણી પૂજાબેન સંજયભાઈ, દેર રવિ, નણંદ ચંદાબેન તથા હીનાબેન ઉર્ફે દમયંતીબેન નામના સાત સાસરીયા દ્વારા અવારનવાર મેણાં-ટોણા મારી ત્રાસ ગુજારવામાં આવતો હતો. સંતાન સાથે માવતરના ઘરે એકલા મૂકીને જતા રહેતા મહિલા પોલીસે સાતેય સાસરીયાઓ સામે ગુનો નોંધી જરી કાર્યવાહી કરી છે.

ત્રીજા કિસ્સામાં કલ્યાણપુર તાલુકાના વરવાળા ખાતે હાલ ઉદ્યોગનગર વિસ્તારમાં રહેતી અને ખીમજીભાઈ લાખાભાઈ ગામીની ૨૨ વર્ષીય પુત્રી કોમલબેન કાભાઈ સોલંકીને રાવલ ગામે રહેતા તેના પતિ કા માલદેભાઇ સોલંકી તેમજ સાસરીયા જગદીશ માલદેભાઇ સોલંકી, મણિબેન જગદીશભાઈ સોલંકી તથા મોતીબેન માલદેભાઈ સોલંકી દ્વારા ત્રાસ આપી દહેજ લાવવા માટે દબાણ કરવામાં આવતું હતું. જેથી મહિલા પોલીસે ગુનો નોંધી જરી તપાસ હાથ ધરી છે.

ચોથા બનાવમાં મીઠાપુર ખાતે હાલ ટાટા ટાઉનશિપ વિસ્તારમાં રહેતી અને લાખાભાઈ કરસનભાઈ વેગડાની ૩૦ વર્ષીય પુત્રી કલ્પનાબેનને મોરબી ખાતે રહેતા પતિ મહેન્દ્ર કરસનભાઈ પરમાર તથા સાસુ દેવુબેન દ્વારા ત્રાસ આપવામાં આવતો હતો. પતિ અવારનવાર દા પીને મારકૂટ કરતો હતો. મહિલા પોલીસે ગુનો નોંધી ધોરણસરની કાર્યવાહી હાથ ધરી છે.

from Gujarat News - Gujarat Samachar : World's Leading Gujarati Newspaper https://ift.tt/37u6Ebk