આજે ભાવનગર મહાપાલિકાની ચૂંટણીમાં જોરશોરથી પ્રચાર કરવાનો અંતિમ દિવસ
- રાજકીય પક્ષો બંધ બારણે બેઠક અને ડોર ટુ ડોર પ્રચાર કરશે
ભાવનગર મહાનગરપાલિકાની ચૂંટણી માટે આગામી દિવસોમાં ચૂંટણી યોજાનાર છે તેથી રાજકીય પક્ષો પુરજોશમાં પ્રચાર કરી રહ્યા છે. આવતીકાલે શુક્રવારે મહાપાલિકાની ચૂંટણીમાં જોરશોરથી પ્રચાર કરવાનો અંતીમ દિવસ છે. શુક્રવારે સાંજે આચારસંહિતાના પગલે જોરશોરથી પ્રચાર થઈ શકશે નહી. ચૂંટણી આડે હવે ગણતરીના દિવસો રહેતા ઉમેદવારો ચૂંટણી પ્રચારમાં એડીચોટીનુ જોર લગાવી રહ્યા છે.
મહાપાલિકાની સામાન્ય ચૂંટણી આગામી તા. ર૧ ફેબ્રુઆરી યોજાનાર છે. આ ચૂંટણી માટે હાલ રાજકીય પક્ષો જોરશોરથી પ્રચાર કરી રહ્યા છે. આવતીકાલે શુક્રવારે પ્રચાર માટેનો અંતિમ દિવસ છે તેથી શુક્રવાર આખો દિવસ રાજકીય પક્ષો જોરશોરથી પ્રચાર કરશે પરંતુ સાંજના સમયે પ્રચાર પડઘમ શાંત થશે. ચૂંટણીના ૪૮ કલાક અગાઉ આચારસંહિતાના પગલે રાજકીય પક્ષો જોરશોરથી પ્રચાર કરી શકતા નથી. જાહેરસભા કરી શકતા નથી, માઈક પર પ્રચાર કરી શકતા નથી. આવતીકાલે શુક્રવારે સાંજે પ કલાકે આચારસંહિતાનો અમલ શરૂ થઈ જશે તેથી સાંજ બાદ જોરશોરથી પ્રચાર રાજકીય પક્ષો કરી શકશે નહી. આ આચારસંહિતાનો ભંગ કરનાર ઉમેદવાર કે રાજકીય પક્ષ સામે ચૂંટણી વિભાગ દ્વારા કડક પગલા લેવામાં આવતા હોય છે.
ભાવનગર કોર્પોરેશનની ચૂંટણી આડે હવે માત્ર બે દિવસ જ રહ્યા છે, આવતીકાલે શુક્રવારે પ્રચારનો અંતિમ દિવસ હોય રાજકીય પક્ષો પુરજાશમાં પ્રચાર કરશે તેમ જણાય રહ્યુ છે. શુક્રવાર સાંજ બાદ બંધ બારણે રાજકીય બેઠકો શરૂ થશે તેમજ ડોર ટુ ડોર પ્રચાર શરૂ થશે. ચૂંટણી આડે ગણતરીના દિવસો રહ્યા છે ત્યારે રાજકીય પક્ષો ઉત્સાહભેર પ્રચાર કરી રહ્યા છે અને મતદારોને રીઝવવા પુરી તાકત લગાવી રહ્યા છે.
અંતિમ દિવસોમાં રાજકીય પક્ષોએ પ્રચાર માટે જોર લગાડયુ
ભાવનગર મહાપાલિકાની સામાન્ય ચૂંટણીનો માહોલ જામતો ન હતો. હવે અંતિમ દિવસોમાં ભાજપ-કોંગ્રેસે ભાવનગર શહેરમાં પ્રચાર તેજ બનાવ્યો છે. બંને પક્ષે શહેરમાં સ્કૂટર રેલી, જાહેર સભા, જ્ઞાાતીની સભા સહિતના આયોજન કર્યા હોવાનુ ચર્ચાય રહ્યુ છે. છેલ્લા બે-ત્રણ દિવસથી શહેરમાં રાજકીય પક્ષો ખુબ જ જોર લગાવી રહ્યા હોય તેમ જણાય રહ્યુ છે. આવતીકાલે શુક્રવારે જોરશોર પ્રચાર માટે અંતિમ દિવસ હોવાથી રાજકીય પક્ષો પ્રચાર તેજ બનાવશે તેમ જણાય રહ્યુ છે.
from Gujarat News - Gujarat Samachar : World's Leading Gujarati Newspaper https://ift.tt/3k0zwNo
0 Response to "આજે ભાવનગર મહાપાલિકાની ચૂંટણીમાં જોરશોરથી પ્રચાર કરવાનો અંતિમ દિવસ"
Post a Comment