ચોરીના ગુનામાં નાસતા ફરતા 2 આરોપી માલવણથી પકડાયા
પાટડી, તા. 9 ફેબ્રુઆરી, 2021, મંગળવાર
સુરેન્દ્રનગર જીલ્લામાં બનતા વિવિધ ગુન્હાઓમાં નાસતા ફરતાં આરોપીઓને ઝડપી પાડવા સીઆઈડી ક્રાઈમના પોલીસ મહા નિર્દેશકની સુચનાથી ખાસ ડ્રાઈવનું આયોજન કરવામાં આવ્યું છે જેના ભાગરૂપે જીલ્લા પોલીસવડાની સુચનાથી તથા ધ્રાંગધ્રા ડીવાયએસપીના માર્ગદર્શન હેઠળ બજાણા પીએસઆઈ સહિતના સ્ટાફે નાસતા ફરતાં આરોપીઓને ઝડપી પાડવા પેટ્રોલીંગ હાથધર્યું હતું.
જે દરમ્યાન બજાણા પોલીસ મથકના ચોરીના ગુન્હામાં નાસતા ફરતાં બે આરોપીઓ શાહરૂખખાન માણજીખાન જતમલેક અને આલમખાન રહિમખાન જતમલેક રહે.બંન્ને સેડલા, તા.પાટડીવાળા ખેરવા ગામથી નીકળી માલવણ તરફ બાઈક પર આવી રહ્યાં હોવાની બાતમીના આધારે પોલીસે માલવણ ચોકડી ઉપર વોચ ગોઠવી હતી જે દરમ્યાન બંન્ને આરોપીઓ પસાર થતાં તેને રોકી પુછપરછ હાથધરી હતી અને કોર્ડન કરી ઝડપી પાડી કાયદેસરની કાર્યવાહી હાથધરી હતી. આ કામગીરીમાં જીલ્લા પોલીસવડા મહેન્દ્ર બગડીયાની સુચનાથી ધ્રાંગધ્રા ડીવાયએસપી આર.બી.દેવધાના માર્ગદર્શન હેઠળ બજાણા પીએસઆઈ વી.એન.જાડેજા સહિતના સ્ટાફે સફળ કામગીરી કરી હતી.
from Gujarat News - Gujarat Samachar : World's Leading Gujarati Newspaper https://ift.tt/3jxGHwt
0 Response to "ચોરીના ગુનામાં નાસતા ફરતા 2 આરોપી માલવણથી પકડાયા"
Post a Comment