ભલગામડા ગામની સીમમાંથી અજાણ્યા શખ્સની લાશ મળી

લીંબડી, તા. 9 ફેબ્રુઆરી, 2021, મંગળવાર

સુરેન્દ્રનગર જીલ્લામાંથી અવાર-નવાર હત્યા કરેલી તેમજ શંકાસ્પદ હાલતમાં લાશ મળી આવવાના બનાવો વધી રહ્યાં છે ત્યારે લીંબડી-અમદાવાદ નેશનલ હાઈવે પર ભલગામડા ગામની સીમમાંથી શંકાસ્પદ હાલતમાં એક અજાણ્યા વ્યક્તિની લાશ મળી આવી હતી.

આ અંગે સુત્રો પાસેથી મળતી માહિતી મુજબ લીંબડી-અમદાવાદ હાઈવે પર ભલગામડા ગામની સીમમાં આવેલ એક ખેતરમાંથી અજાણ્યા પુરૂષની લાશ મળી આવી હતી જે અંગેની જાણ આસપાસના લોકોને થતાં આ અંગે પોલીસને જાણ કરતાં લીંબડી પોલીસ કાફલો ઘટના સ્થળે આવી પહોંચ્યો હતો અને લાશની ઓળખ અંગે વધુ તપાસ હાથધરી હતી. જ્યારે પ્રાથમિક તપાસમાં મૃતકે ઝેરી દવા પીધી હોવાનું બહાર આવ્યું હતું જ્યારે પોલીસે લાશનો કબ્જો લઈ પીએમ અર્થે મોકલવાની તજવીજ હાથધરી હતી.

from Gujarat News - Gujarat Samachar : World's Leading Gujarati Newspaper https://ift.tt/2NgeXAb