દેત્રોજ તા.ના રામપુરા-પનાર રોડ ઉપરથી સ્વીફ્ટ ગાડીમાં વિદેશી દારૂ ઝડપાયો

અમદાવાદ : અમદાવાદ જિલ્લાના ગ્રામ્ય વિસ્તારોમાં દારૂ-જુગાર જેવી ચાલતી બદ્દીઓને અટકાવવા સતત વડી કચેરીઓના માર્ગદર્શન મુજબ નીચેની પોલીસ કામ કરી રહી છે ત્યારે વિસ્તારમાંથી ફરી એકવાર મોટી રકમનો ભારતીય બનાવટી પરપ્રાંતિય વિદેશી દારૂ ઝડપાયો છે. 

દેત્રોજ પોલીસ સ્ટેશનથી મળતી માહિતી અનુસાર દેત્રોજ પો.સ.ઈ આર.જી.ચૌહાણ, અ.પો.કો. અનુપસિંહ ભરતસિંહ, નરેશભાઈ રામસંગભાઈ, સિદ્ધરાજસિંહ હપુજી, પંચદેવકુમાર સ્વામીનાથ સહિત પોલીસના ૯ માણસો તા.૧પ/૦૪/ર૦ર૧ ના રોજ વહેલી સવારે દેત્રોજ વિસ્તારમાં પેટ્રોલીંગમાં હતાં તે દરમ્યાન આશરે પ વાગ્યાના સુમારે દેત્રોજ પોલીસ સ્ટેશનના નરેશભાઈને ખાનગી રાહે બાતમી મળેલ કે, વિરમગામ-પનાર-રામપુરા રોડ ઉપરથી વહેલી સવારે રામપુરા ગામ બાજુથી એક સફેદ કલરની સ્વીફ્ટ કાર વિરમગામ તરફ જનાર છે.

 જે બાતમીના આધારે દેત્રોજ પોલીસે વાચ ગોઠવી અને હકીકતવાળી ગાડી નીકળતાં તેેને રોકીને કોર્ડન કરી લેવાઈ હતી જે ગાડીનો નં. જી.જે.૦૭-એ.આર - ૬૩૭૪ વાળી સ્વીફ્ટમાંથી અલગ અલગ બ્રાન્ડની ભારતીય બનાવટી પરપ્રાંતિય વિદેશી દારૂની ૧૪૮૮ બોટલ તેમજ બે મોબાઈલ અને એક સ્વીફ્ટ કાર સહિત કુલ ૪ લાખ ૪૦ હજાર ના મુદ્દામાલ સાથે આરોપી નં.૧ મહંમદશા બાપુશા દિવાન રહે. વિરમગામ, જિ.અમદાવાદ, નં.ર રીયાઝશા અયુબશા દીવાન રહે.વિરમગામ, જિ.અમદાવાદ તથા આરોપી નં.૩ અબ્દુલકાદર જીવાભાઈ રહે. રામપુરા તા.દેત્રોજ,જિ.અમદાવાદ અને નં.૪ હરગોવિંદભાઈ વરવાભાઈ સુમેસરા રહે.રામપુરા (દેત્રોજ) જિ.અમદાવાદનાઓની ધરપકડ કરી કાયદેસરની કાર્યવાહી કરવામાં આવી હતી.

from Gujarat News - Gujarat Samachar : World's Leading Gujarati Newspaper https://ift.tt/3agbqdO