સુરેન્દ્રનગર- લખતર રોડ ઉપર ડમ્પર પલ્ટી જતા અકસ્માત

સુરેન્દ્રનગર : સુરેન્દ્રનગર જીલ્લામાં અકસ્માતના બનાવો વધી રહ્યાં છે ત્યારે લખતર હાઈવે પર ઝમર ગામના પાટીયા પાસે વહેલી સવારે અચાનક ડમ્પર પલટી મારી જતાં અકસ્માત સર્જાયો હતો જેમાં સદ્દનસીબે કોઈ જાનહાની થઈ નહોતી પરંતુ ડમ્પરને ક્રેનની મદદથી ભારે જહેમત બાદ સાઈડમાંથી બહાર કાઢવામાં આવ્યું હતું.

આ અંગે સુત્રો દ્વારા મળતી માહિતી મુજબ સુરેન્દ્રનગર-લખતર રોડ પર કપચી ભરી જઈ રહેલ ડમ્પરના ચાલકે અચાનક સ્ટેરીંગ પરનો કાબુ ગુમાવતાં ઝમર પાસે આવેલ સરધરા ડેમ નજીક ડમ્પર અચાનક રોડની સાઈડમાં પલટી મારી જતાં અકસ્માત સર્જાયો હતો જેમાં સદ્દનસીબે કોઈ જાનહાનીનો બનાવ બન્યો નહોતો જ્યારે ડમ્પરને ક્રેનની મદદથી બહાર કાઢવામાં આવ્યું હતું અને આ અંગે પોલીસે વધુ તપાસ હાથધરી હતી.

from Gujarat News - Gujarat Samachar : World's Leading Gujarati Newspaper https://ift.tt/2Pb5uM5