થાન તાલુકામાં સ્થાનિક સ્વરાજ્યની ચૂંટણીને લઈને પોલીસ એલર્ટ

થાન, તા. 21 ફેબ્રુઆરી, 2021, રવિવાર

સમગ્ર જીલ્લામાં આગામી તા.૨૮ ફેબુ્રઆરીના રોજ સ્થાનીક સ્વરાજ્યની ચુંટણી માટે મતદાન થવા જઈ રહ્યું છે ત્યારે સુરેન્દ્રનગર જીલ્લાના ગ્રામ્ય વિસ્તારોમાં ચુંટણીને અનુલક્ષીને પોલીસ દ્વારા ખાસ ડ્રાઈવનું આયોજન કરવામાં આવ્યું હતું જેમાં થાન પોલીસ દ્વારા ખાખરાવાળી ચોકડીએ ટ્રાફીક ડ્રાઈવ યોજાઈ હતી.

ખાખરાવાડી ચોકડી પર ચેકપોસ્ટ ઉભી કરીને વાહનોનું કડક ચેકિંગ હાથ ધરાયું

આ અંગે સુત્રો પાસેથી મળત માહિતી મુજબ સુરેન્દ્રનગર જીલ્લામાં જીલ્લા પંચાયત, તાલુકા પંચાયતની ચુંટણી યોજાઈ રહી છે ત્યારે આગામી ૨૮ તારીખે મતદાન થવા જઈ રહ્યું છે ત્યારે સ્થાનીક સ્વરાજ્યની ચુંટણી શાંતિપૂર્ણ માહોલમાં યોજાય તે માટે વહિવટી અને પોલીસ તંત્ર સજ્જ બન્યું છે ત્યારે થાન તાલુકા પંચાયત તથા જીલ્લા પંચાયતની ચુંટણીને અનુલક્ષીને થાન પોલીસ દ્વારા ખાખરાવાળી ચોકડી પર ટ્રાફીક ડ્રાઈવનું આયોજન કરવામાં આવ્યું હતું જેમાં લાયસન્સ, માસ્ક અને વાહનના કાગળો અંગે ચેકીંગ હાથધરાયું હતું અને નિયમોનું પાલન ન કરનાર વાહનચાલકોને દંડ ફટકારવામાં આવ્યો હતો.

from Gujarat News - Gujarat Samachar : World's Leading Gujarati Newspaper https://ift.tt/3aFIWLt