રાજસ્થાનથી ગુજરાતમાં લકઝરી બસની ડેકીમાં ઢોર ભરી લવાતો વિડીયો વાયરલ

છાપી તા.21

વડગામ તાલુકાના છાપી હાઇવે ઉપર રવિવાર સવારે રાજસ્થાન તરફથી આવેલ એક ખાનગી લકઝરી બસની ડેકીમાં ખીચોખીચ ભરેલ પંદર જેટલા ઢોરોઓ ઉતારી એક લોડિંગ રીક્ષામાં ભરી લઈ જઈ રહેલો વિડીયો વાયરલ થતાં જીવદયા પ્રેમીઓમાં રોષ વ્યાપી ગયો હતો.

ગુજરાત તેમજ સરહદી બનાસકાંઠા જિલ્લામાં વિદેશી દારૂ તેમજ પશુઓની ગેરકાયદેસર હેરાફેરી કરતાં અસામાજિક તત્વો પોલીસ થી બચવા અવનવા નુખસાઓ અપવાવી ગુનાહિત પ્રવૃતિઓ કરી રહ્યા છે .ત્યારે આવોજ એક બનાવ રવિવારે સામે આવ્યો હતો .રાજસ્થાન થી એક લકઝરી બસ મહેસાણા તરફ જઈ રહી હતી દરમિયાન લકઝરી બસ છાપી હાઇવે ઉપર ઉભી રાખી બસ ના પાછળના ભાગની ડેકીમાં ખીચોખીચ બકરા ભરેલા હતા .જેને કેટલાક ઈસમો એક લોડિંગ રીક્ષા બસની પાછળ લગાવી લગભગ પંદર જેટલા  બકરા ડેકી માંથી ઉતારી રીક્ષા માં લઇ ગયા હતા જેનો વિડીયો વાયરલ થતાં જીવદયા પ્રેમીઓ માં આ અમાનવીય કૃત્ય ને લઈ રોષ વ્યાપી ગયો હતો .ગુજરાતને અડીને આવેલા રાજસ્થાન તેમજ મહારાષ્ટ્ રાજ્યમાં લકઝરી બસો ની પેસેન્જરો માટે ડેઇલી સવસ ચાલી રહી છે .જોકે આ બસોમાં મોટા પ્રમાણમાં પ્રતિબંધિત વસ્તુઓની હેરાફેરીઓ સામે આવી રહી છે જેથી આવી બસોના સંચાલકો વિરુદ્ધ કાયદેસરની કાર્યવાહી સાથે બસોના પરમીટ રદ કરવા લોક માંગ ઉઠવા પામી છે.

અમાનવીય કૃત્ય

રાજસ્થાનથી એક ખાનગી લકઝરી બસની ડેકીમાં હવા ઉજાજ વગર કોઈ પણ જાતના ચારા પાણીની વ્યવસ્થા વિના ક્રતા પૂર્વક ખીચોખીચ  બકરા ભરી લાવવાની ઘટનાને લઈ ઘેરા પ્રત્યાઘાત પડયા છે .આ અમાનવીય કૃત્ય કરનારાઓ સામે કાર્યવાહી કરવા માંગ ઉઠવા પામી છે.

from Gujarat News - Gujarat Samachar : World's Leading Gujarati Newspaper https://ift.tt/3kcjkso